hangamon ka saya suni aankh mein hai
hangāmoñ kā saaya suunī aañkh meñ hai
kaisā badan hai aur kaisī poshāk meñ hai
goyā.ī taalū se chipkī baiThī hai
aur sannāTā āvāzoñ kī taak meñ hai
yaad bujhe to saarī 'imārat Dhah na jaa.e
pichhlā ek ik lamha merī saakh meñ hai
ek samundar hai jo āñkheñ detā hai
tah meñ jaane kī himmat pairāk meñ hai
koī shanāsā chehra koī mīThī baat
chingārī hai aur abhī tak raakh meñ hai
shāḳhoñ par anhonī patjhaḌ aa.ī hai
phuul kī ḳhushbūoñ kā manzar ḳhaak meñ hai
maiñ us kī har baat 'humairā' likh pā.ūñ
aisā lafz kahāñ mere idrāk meñ hai
hangamon ka saya suni aankh mein hai
kaisa badan hai aur kaisi poshak mein hai
goyai talu se chipki baiThi hai
aur sannaTa aawazon ki tak mein hai
yaad bujhe to sari 'imarat Dhah na jae
pichhla ek ek lamha meri sakh mein hai
ek samundar hai jo aankhen deta hai
tah mein jaane ki himmat pairak mein hai
koi shanasa chehra koi miThi baat
chingari hai aur abhi tak rakh mein hai
shaKHon par anhoni patjhaD aai hai
phul ki KHushbuon ka manzar KHak mein hai
main us ki har baat 'humaira' likh paun
aisa lafz kahan mere idrak mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
