hansi chhupa bhi gaya aur nazar mila bhi gaya
hañsī chhupā bhī gayā aur nazar milā bhī gayā
ye ik jhalak kā tamāshā jigar jalā bhī gayā
uThā to jā bhī chukā thā ajiib mehmāñ thā
sadā.eñ de ke mujhe niiñd se jagā bhī gayā
ġhazab huā jo añdhere meñ jal uThī bijlī
badan kisī kā tilismāt kuchh dikhā bhī gayā
na aayā koī lab-e-bām shaam Dhalne lagī
vufūr-e-shauq se āñkhoñ meñ ḳhuun aa bhī gayā
havā thī gahrī ghaTā thī hinā kī ḳhushbū thī
ye ek raat kā qissa lahū rulā bhī gayā
chalo 'munīr' chaleñ ab yahāñ raheñ bhī to kyā
vo sañg-dil to yahāñ se kahīñ chalā bhī gayā
hansi chhupa bhi gaya aur nazar mila bhi gaya
ye ek jhalak ka tamasha jigar jala bhi gaya
uTha to ja bhi chuka tha ajib mehman tha
sadaen de ke mujhe nind se jaga bhi gaya
ghazab hua jo andhere mein jal uThi bijli
badan kisi ka tilismat kuchh dikha bhi gaya
na aaya koi lab-e-baam sham Dhalne lagi
wufur-e-shauq se aankhon mein KHun aa bhi gaya
hawa thi gahri ghaTa thi hina ki KHushbu thi
ye ek raat ka qissa lahu rula bhi gaya
chalo 'munir' chalen ab yahan rahen bhi to kya
wo sang-dil to yahan se kahin chala bhi gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
