hansi ki baat ki usne wahan bula ke mujhe

hañsī kī baat ki us ne vahāñ bulā ke mujhe

bahut rulāyā kahānī mirī sunā ke mujhe

har ek lamha mirā ḳhauf kī giraft meñ hai

muhāfizoñ se bachā.egā kaun aa ke mujhe

kalām-e-fan se liyā kaam us ne mujh se bhī

tabāh apne adū ko kiyā bachā ke mujhe

vo baaġh baaġh huā hai to be-sabab bhī nahīñ

milā hai kuchh to use ḳhaak meñ milā ke mujhe

tumheñ ḳhabar hai ki sar par paḌegī raakh tire

uḌā diyā hai fazā meñ jo yuuñ jalā ke mujhe

use banāyā thā maiñ ne baḌī hī mehnat se

ḳhudā gavāh ki vo bhī chalā banā ke mujhe

use kaho ki haiñ hāzir mazīd dukh de le

bahut sukūn milā hai agar satā ke mujhe

hansi ki baat ki us ne wahan bula ke mujhe

bahut rulaya kahani meri suna ke mujhe

har ek lamha mera KHauf ki giraft mein hai

muhafizon se bachaega kaun aa ke mujhe

kalam-e-fan se liya kaam us ne mujh se bhi

tabah apne adu ko kiya bacha ke mujhe

wo bagh bagh hua hai to be-sabab bhi nahin

mila hai kuchh to use KHak mein mila ke mujhe

tumhein KHabar hai ki sar par paDegi rakh tere

uDa diya hai faza mein jo yun jala ke mujhe

use banaya tha main ne baDi hi mehnat se

KHuda gawah ki wo bhi chala bana ke mujhe

use kaho ki hain hazir mazid dukh de le

bahut sukun mila hai agar sata ke mujhe