hansi labon se chaman se gulon ko chhina hai

hañsī laboñ se chaman se guloñ ko chhīnā hai

is eqtidār ne kitnoñ kā ghar ujāḌā hai

har ek kūcha-o-bāzār ḳhuuñ se hai rangīñ

hamāre shahr meñ paanī se ḳhuun sastā hai

haiñ jitne phuul vo sab haiñ nazar churā.e hue

chaman meñ apnā rafīq ek ḳhaar tanhā hai

ḳhulūs pyaar kī ab chāñdnī kahāñ logo

har ek dil pe musallat yahāñ añdherā hai

nigāh paḌtī hai us par to hosh uḌte haiñ

sharāb to vo nahīñ hai sharāb jaisā hai

guzar rahe haiñ ye kis daur se ḳhudā jaane

har ek lamha nayā inqalāb laatā hai

hansi labon se chaman se gulon ko chhina hai

is eqtidar ne kitnon ka ghar ujaDa hai

har ek kucha-o-bazar KHun se hai rangin

hamare shahr mein pani se KHun sasta hai

hain jitne phul wo sab hain nazar churae hue

chaman mein apna rafiq ek KHar tanha hai

KHulus pyar ki ab chandni kahan logo

har ek dil pe musallat yahan andhera hai

nigah paDti hai us par to hosh uDte hain

sharab to wo nahin hai sharab jaisa hai

guzar rahe hain ye kis daur se KHuda jaane

har ek lamha naya inqalab lata hai