hanste hain phul na ghunche hi muskurae hain

hañste haiñ phuul na ġhunche hī muskurā.e haiñ

bahār meñ bhī chaman par ḳhizāñ ke saa.e haiñ

kamāl-e-himmat-e-ahl-e-junūñ ḳhudā rakkhe

ġham-e-hayāt ko ham ne gale lagā.e haiñ

ye ittifāq to dekho girī hai barq vahīñ

chaman meñ ham ne jahāñ āshiyāñ banā.e haiñ

samajh na ye ki amaañ mil ga.ī ġhamoñ se hameñ

vabā ke dard ko siine meñ muskurā.e haiñ

ye terī bāda-gusārī kī 'iid hai saaqī

hai fasl-e-gul sar-e-mai-ḳhāna abr chhā.e haiñ

baḌhī hai gardish-e-ayyām rahnumā.ī ko

rah-e-vafā meñ jo ham ne qadam baḌhā.e haiñ

hazār ḳhūn-e-tamannā huā magar ai dost

tire sitam kā gila kab zabāñ pe laa.e haiñ

gila nahīñ ġham-e-sabr-āzmā kā kuchh tujh se

ḳhushī se ham ne ye bār-e-alam uThā.e haiñ

hanste hain phul na ghunche hi muskurae hain

bahaar mein bhi chaman par KHizan ke sae hain

kamal-e-himmat-e-ahl-e-junun KHuda rakkhe

gham-e-hayat ko hum ne gale lagae hain

ye ittifaq to dekho giri hai barq wahin

chaman mein hum ne jahan aashiyan banae hain

samajh na ye ki aman mil gai ghamon se hamein

waba ke dard ko sine mein muskurae hain

ye teri baada-gusari ki 'id hai saqi

hai fasl-e-gul sar-e-mai-KHana abr chhae hain

baDhi hai gardish-e-ayyam rahnumai ko

rah-e-wafa mein jo hum ne qadam baDhae hain

hazar KHun-e-tamanna hua magar ai dost

tere sitam ka gila kab zaban pe lae hain

gila nahin gham-e-sabr-azma ka kuchh tujh se

KHushi se hum ne ye bar-e-alam uThae hain