hanste hanste bhi sogwar hain hum
hañste hañste bhī sogvār haiñ ham
zindagī kis ke qarz-dār haiñ ham
ruuh par jism kā labāda hai
is liye hī to sāya-dār haiñ ham
us ne dekhā kuchh is adā se hameñ
ham ye samjhe ki shāhkār haiñ ham
ham ko itnā girā paḌā na samajh
ai zamāne kisī kā pyaar haiñ ham
aaj tak ye samajh nahīñ aayā
jiit haiñ kis kī kis kī haar haiñ ham
ho kabhī vaqt to ziyārat kar
ai mohabbat tirā mazār haiñ ham
hanste hanste bhi sogwar hain hum
zindagi kis ke qarz-dar hain hum
ruh par jism ka labaada hai
is liye hi to saya-dar hain hum
us ne dekha kuchh is ada se hamein
hum ye samjhe ki shahkar hain hum
hum ko itna gira paDa na samajh
ai zamane kisi ka pyar hain hum
aaj tak ye samajh nahin aaya
jit hain kis ki kis ki haar hain hum
ho kabhi waqt to ziyarat kar
ai mohabbat tera mazar hain hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
