haq-mehr kitna hoga bataya nahin gaya

haq-mehr kitnā hogā batāyā nahīñ gayā

shahzādiyoñ ko baam pe laayā nahīñ gayā

kamzor sī hadīs sunā dī ga.ī koī

insāf kā tarāzū uThāyā nahīñ gayā

maiñ apne saath saath huuñ vo apne saath saath

ham-zād aap ham ko banāyā nahīñ gayā

pyāle meñ pyaas aur darīche meñ chāñd thā

vo so rahā thā mujh se jagāyā nahīñ gayā

ik ḳhvāb dekhne meñ hī ham sarf ho ga.e

añgār zindagī kā jalāyā nahīñ gayā

har baar chhoḌ aatī huuñ dariyā meñ lahr ko

chullū meñ bhar ke mujh se uThāyā nahīñ gayā

haq-mehr kitna hoga bataya nahin gaya

shahzadiyon ko baam pe laya nahin gaya

kamzor si hadis suna di gai koi

insaf ka taraazu uThaya nahin gaya

main apne sath sath hun wo apne sath sath

ham-zad aap hum ko banaya nahin gaya

pyale mein pyas aur dariche mein chand tha

wo so raha tha mujh se jagaya nahin gaya

ek KHwab dekhne mein hi hum sarf ho gae

angar zindagi ka jalaya nahin gaya

har bar chhoD aati hun dariya mein lahr ko

chullu mein bhar ke mujh se uThaya nahin gaya