haqiqat ban gai KHud hi hijab aahista aahista

haqīqat ban ga.ī ḳhud hī hijāb āhista āhista

nazar ko le marā zauq-e-sarāb āhista āhista

taḌap paidā to kar dil meñ ruḳh-e-zebā ke saudā.ī

sarak jā.egā ḳhud un kā naqāb āhista āhista

salīqa aa gayā hai shaiḳh ko bhī hosh-mandī kā

lagā hai māñgne jām-e-sharāb āhista āhista

jahān-e-āb-o-gil bhī dekhne kī chiiz thī lekin

bashar ne kar diyā us ko ḳharāb āhista āhista

koī din ke haiñ jalve mastiyāñ bhar do fazāoñ meñ

guzar jā.egā ye ahd-e-shabāb āhista āhista

bashar ab rokne ko hai mah-o-anjum kī gardish ko

ye dekhegā ḳhudā.ī ke bhī ḳhvāb āhista āhista

ye rūdād-e-mohabbat hai ise kahnā tahammul se

sunā jā.egā ai 'sābir' ye baab āhista āhista

haqiqat ban gai KHud hi hijab aahista aahista

nazar ko le mara zauq-e-sarab aahista aahista

taDap paida to kar dil mein ruKH-e-zeba ke saudai

sarak jaega KHud un ka naqab aahista aahista

saliqa aa gaya hai shaiKH ko bhi hosh-mandi ka

laga hai mangne jam-e-sharab aahista aahista

jahan-e-ab-o-gil bhi dekhne ki chiz thi lekin

bashar ne kar diya us ko KHarab aahista aahista

koi din ke hain jalwe mastiyan bhar do fazaon mein

guzar jaega ye ahd-e-shabab aahista aahista

bashar ab rokne ko hai mah-o-anjum ki gardish ko

ye dekhega KHudai ke bhi KHwab aahista aahista

ye rudad-e-mohabbat hai ise kahna tahammul se

suna jaega ai 'sabir' ye bab aahista aahista