haqiqat ka agar afsana ban jae to kya kije

haqīqat kā agar afsāna ban jaa.e to kyā kiije

gale mil kar bhī vo begāna ban jaa.e to kyā kiije

hameñ sau baar tark-e-mai-kashī manzūr hai lekin

nazar us kī agar mai-ḳhāna ban jaa.e to kyā kiije

nazar aatā hai sajde meñ jo aksar shaiḳh sāhab ko

vo jalva jalva-e-jānāna ban jaa.e to kyā kiije

tire milne se jo mujh ko hamesha manā kartā hai

agar vo bhī tirā dīvāna ban jaa.e to kyā kiije

ḳhudā kā ghar samajh rakkhā hai ab tak ham ne jis dil ko

'qatīl' is meñ bhī ik but-ḳhāna ban jaa.e to kyā kiije

haqiqat ka agar afsana ban jae to kya kije

gale mil kar bhi wo begana ban jae to kya kije

hamein sau bar tark-e-mai-kashi manzur hai lekin

nazar us ki agar mai-KHana ban jae to kya kije

nazar aata hai sajde mein jo aksar shaiKH sahab ko

wo jalwa jalwa-e-jaanana ban jae to kya kije

tere milne se jo mujh ko hamesha mana karta hai

agar wo bhi tera diwana ban jae to kya kije

KHuda ka ghar samajh rakkha hai ab tak hum ne jis dil ko

'qatil' is mein bhi ek but-KHana ban jae to kya kije