حق نعمت ادا نہیں ہوتا
حق نعمت ادا نہیں ہوتا
ہم سے شکر خدا نہیں ہوتا
کیا وصال خدا نہیں ہوتا
عشق صادق سے کیا نہیں ہوتا
بے بہا دل کو نذر کرتا کون
حسن اگر دل ربا نہیں ہوتا
آہ پر ہنس کے یہ دیا طعنہ
یوں تو نام وفا نہیں ہوتا
ہوں اگر لاکھ بار بھی صدقے
حسن کا دین ادا نہیں ہوتا
ہجر میں غم گسار محرم راز
درد و غم کے سوا نہیں ہوتا
جو ستاتا ہے دل جلاتا ہے
اس کا ہرگز بھلا نہیں ہوتا
عشق کا نام مفت ہے بدنام
عشق اچھا برا نہیں ہوتا
آہ سے عرش ہلتا ہے اے شادؔ
فضل مولا سے کیا نہیں ہوتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
