har aadmi hai mubtala ranj-o-azab mein

har aadmī hai mubtalā ranj-o-azāb meñ

ārām se hai kaun jahān-e-ḳharāb meñ

rindoñ ko kab hai dozaḳh-o-jannat se vāsta

zāhid magar lage haiñ husūl-e-savāb meñ

jo log haiñ zamāne meñ sargarm-o-musta.id

rahte nahīñ ulajh ke ḳhayāl aur ḳhvāb meñ

jis kī ziyā se honī thī taz.īn-e-kā.enāt

vo husn chhup sakā na kisī bhī hijāb meñ

duniyā hai jis kā naam mukammal fareb hai

ahl-e-nazar na kho.eñ kabhī is sarāb meñ

ye vāqi.a hai hazrat-e-‘sāqī’ kī zindagī

ab qaid ho ke rah ga.ī jām-e-sharāb meñ

har aadmi hai mubtala ranj-o-azab mein

aaram se hai kaun jahan-e-KHarab mein

rindon ko kab hai dozaKH-o-jannat se wasta

zahid magar lage hain husul-e-sawab mein

jo log hain zamane mein sargarm-o-mustaid

rahte nahin ulajh ke KHayal aur KHwab mein

jis ki ziya se honi thi tazin-e-kaenat

wo husn chhup saka na kisi bhi hijab mein

duniya hai jis ka nam mukammal fareb hai

ahl-e-nazar na khoen kabhi is sarab mein

ye waqia hai hazrat-e-‘saqi’ ki zindagi

ab qaid ho ke rah gai jam-e-sharab mein