har aadmi mein talluq ki bhuk paida kar

har aadmī meñ ta.alluq kī bhuuk paidā kar

tū ḳhud meñ ādat-e-husn-e-sulūk paidā kar

ḳhayāl-o-ḳhvāb ko maikānikī amal na banā

ye zindagī hai koī bhuul chuuk paidā kar

tujhe suḳhan kī ijāzat khaḌī sharīf se ho

ġhazal meñ nudrat-e-saif-ul-mulūk paidā kar

ḳhazāne se yūñhī ḳhālī na rakh tijorī ko

dil-e-tahī meñ mohabbat kī huuk paidā kar

fazā-e-jabr tire bolne se kaañp uThe

tū zaḳhm zaḳhm gale se vo kuuk paidā kar

har aadmi mein talluq ki bhuk paida kar

tu KHud mein aadat-e-husn-e-suluk paida kar

KHayal-o-KHwab ko maikaniki amal na bana

ye zindagi hai koi bhul chuk paida kar

tujhe suKHan ki ijazat khaDi sharif se ho

ghazal mein nudrat-e-saif-ul-muluk paida kar

KHazane se yunhi KHali na rakh tijori ko

dil-e-tahi mein mohabbat ki huk paida kar

faza-e-jabr tere bolne se kanp uThe

tu zaKHm zaKHm gale se wo kuk paida kar