har aaine mein badan apna be-libas hua

har aa.ine meñ badan apnā be-libās huā

maiñ apne zaḳhm dikhā kar bahut udaas huā

jo rañg bhar do usī rañg meñ nazar aa.e

ye zindagī na huī kāñch kā gilās huā

maiñ kohsār pe bahtā huā vo jharnā huuñ

jo aaj tak na kisī ke laboñ kī pyaas huā

qarīb ham hī na jab ho sake to kyā hāsil

makān donoñ kā har-chand paas paas huā

kuchh is adā se milā aaj mujh se vo 'shāhid'

ki mujh ko ḳhud pe kisī aur kā qayās huā

har aaine mein badan apna be-libas hua

main apne zaKHm dikha kar bahut udas hua

jo rang bhar do usi rang mein nazar aae

ye zindagi na hui kanch ka gilas hua

main kohsar pe bahta hua wo jharna hun

jo aaj tak na kisi ke labon ki pyas hua

qarib hum hi na jab ho sake to kya hasil

makan donon ka har-chand pas pas hua

kuchh is ada se mila aaj mujh se wo 'shahid'

ki mujh ko KHud pe kisi aur ka qayas hua