har aane jaane wale ka munh dekhta raha

har aane jaane vaale kā muñh dekhtā rahā

maiñ rahguzar pe ziist kī tanhā khaḌā rahā

is zindagī ne zaḳhm diye bārhā magar

jaane har ek zaḳhm ko kyoñ chūmtā rahā

chhoḌā hai āñdhiy.oñ ne na baaqī nishān-e-rāh

phir bhī maiñ terā naqsh-e-qadam DhūñDhtā rahā

tanhā nahīñ rahā huuñ maiñ tere firāq meñ

dil par tere hī dard kā pahrā lagā rahā

din ko to silsile the ġham-e-rozgār ke

shab bhar tire ḳhayāl kā tāñtā lagā rahā

yād-e-'habīb' thī ki dhuñdhlakoñ meñ kho ga.ī

dil meñ sivā.e ḳhaak ke baaqī bhī kyā rahā

har aane jaane wale ka munh dekhta raha

main rahguzar pe zist ki tanha khaDa raha

is zindagi ne zaKHm diye barha magar

jaane har ek zaKHm ko kyon chumta raha

chhoDa hai aandhiyon ne na baqi nishan-e-rah

phir bhi main tera naqsh-e-qadam DhunDhta raha

tanha nahin raha hun main tere firaq mein

dil par tere hi dard ka pahra laga raha

din ko to silsile the gham-e-rozgar ke

shab bhar tere KHayal ka tanta laga raha

yaad-e-'habib' thi ki dhundhlakon mein kho gai

dil mein siwae KHak ke baqi bhi kya raha