har bar usi shaKHs ko kyon yaad karen hum

har baar usī shaḳhs ko kyoñ yaad kareñ ham

ai dil tujhe yuuñ bārhā nāshād kareñ ham

bechain rahe shām-o-sahar koī parinda

phir kyoñ na qafas se ise āzād kareñ ham

aatā nahīñ hai jab hameñ is haal pe ronā

phir dard nayā kyoñ nahīñ ījād kareñ ham

ham ko na shikāyat koī hai zindagī tum se

kuchh tum ne kiyā kuchh chalo barbād kareñ ham

har bar usi shaKHs ko kyon yaad karen hum

ai dil tujhe yun barha nashad karen hum

bechain rahe sham-o-sahar koi parinda

phir kyon na qafas se ise aazad karen hum

aata nahin hai jab hamein is haal pe rona

phir dard naya kyon nahin ijad karen hum

hum ko na shikayat koi hai zindagi tum se

kuchh tum ne kiya kuchh chalo barbaad karen hum