har baat par jahan mein uchhaalenge nam log

har baat par jahāñ meñ uchhāleñge naam log

rusvā kareñge aur bigāḌeñge kaam log

bhātā hai koī koī hī dil aur dimāġh ko

milne ko yuuñ to milte haiñ jag meñ tamām log

kar ke dikhāo kaam koī ziist meñ baḌā

chāhat hai gar jahāñ meñ kareñ ehtirām log

sukh-chain bhī nasīb meñ un ke likhā hai yā

dukh-dard bas jahāñ meñ uThā.eñge 'aam log

rahtī hai jis kī sab se shikāyat jahān meñ

karte haiñ ḳhud bhī kaam vahī sub.h-o-shām log

aa.ī samajh meñ baat hameñ ye na aaj tak

kyūñ-kar kisī nashe ke haiñ bante ġhulām log

jag meñ badī kī raah pe chalte haiñ jo bashar

karte haiñ duur se hī unheñ raam raam log

'hīrā' Daroge sab se agar baat baat par

jiinā kareñge aur jahāñ meñ harām log

har baat par jahan mein uchhaalenge nam log

ruswa karenge aur bigaDenge kaam log

bhata hai koi koi hi dil aur dimagh ko

milne ko yun to milte hain jag mein tamam log

kar ke dikhao kaam koi zist mein baDa

chahat hai gar jahan mein karen ehtiram log

sukh-chain bhi nasib mein un ke likha hai ya

dukh-dard bas jahan mein uThaenge 'am log

rahti hai jis ki sab se shikayat jahan mein

karte hain KHud bhi kaam wahi subh-o-sham log

aai samajh mein baat hamein ye na aaj tak

kyun-kar kisi nashe ke hain bante ghulam log

jag mein badi ki rah pe chalte hain jo bashar

karte hain dur se hi unhen ram ram log

'hira' Daroge sab se agar baat baat par

jina karenge aur jahan mein haram log