har-chand jaisa socha tha waisa nahin hua

har-chand jaisā sochā thā vaisā nahīñ huā

lekin kahā huā kā bhī puurā nahīñ huā

tum ek gard-e-bād the chakrā ke rah ga.e

ham se bhī paar zaat kā sahrā nahīñ huā

ḳhushbū kahīñ to phuul havā le uḌī kahīñ

yuuñ muntashir kisī kā qabīla nahīñ huā

sau vasvasoñ kī gard barastī rahī magar

dil aisā aa.ina thā ki mailā nahīñ huā

patthar the ham so daulat-e-ehsās mil ga.ī

luT kar bhī kār-e-dil meñ ḳhasārā nahīñ huā

guzre dinoñ kā ruup thī is rut kī dhuup bhī

so is baras bhī ġham kā mudāvā nahīñ huā

logoñ pe khul chuke the madārī ke gur 'najīb'

so koī bhī asīr-e-tamāshā nahīñ huā

har-chand jaisa socha tha waisa nahin hua

lekin kaha hua ka bhi pura nahin hua

tum ek gard-e-baad the chakra ke rah gae

hum se bhi par zat ka sahra nahin hua

KHushbu kahin to phul hawa le uDi kahin

yun muntashir kisi ka qabila nahin hua

sau waswason ki gard barasti rahi magar

dil aisa aaina tha ki maila nahin hua

patthar the hum so daulat-e-ehsas mil gai

luT kar bhi kar-e-dil mein KHasara nahin hua

guzre dinon ka rup thi is rut ki dhup bhi

so is baras bhi gham ka mudawa nahin hua

logon pe khul chuke the madari ke gur 'najib'

so koi bhi asir-e-tamasha nahin hua