har choT pe puchhe hai bata yaad rahegi

har choT pe pūchhe hai batā yaad rahegī

ham ko ye zamāne kī adā yaad rahegī

din raat ke aañsū sahar o shaam kī aaheñ

is baaġh kī ye āb-o-havā yaad rahegī

kis dhuum se baḌhtī huī pahuñchī hai kahāñ tak

duniyā ko tirī zulf-e-rasā yaad rahegī

karte raheñge tum se mohabbat bhī vafā bhī

go tum ko mohabbat na vafā yaad rahegī

kis baat kā tū qaul-o-qasam le hai barahman

har baat butoñ kī ba-ḳhudā yaad rahegī

chalte ga.e ham phuul banāte ga.e chhāle

sahrā ko mirī laġhzish-e-pā yaad rahegī

jis bazm meñ tum jāoge us bazm ko 'ājiz'

ye guftugū-e-be-sar-o-pā yaad rahegī

har choT pe puchhe hai bata yaad rahegi

hum ko ye zamane ki ada yaad rahegi

din raat ke aansu sahar o sham ki aahen

is bagh ki ye aab-o-hawa yaad rahegi

kis dhum se baDhti hui pahunchi hai kahan tak

duniya ko teri zulf-e-rasa yaad rahegi

karte rahenge tum se mohabbat bhi wafa bhi

go tum ko mohabbat na wafa yaad rahegi

kis baat ka tu qaul-o-qasam le hai barahman

har baat buton ki ba-KHuda yaad rahegi

chalte gae hum phul banate gae chhaale

sahra ko meri laghzish-e-pa yaad rahegi

jis bazm mein tum jaoge us bazm ko 'ajiz'

ye guftugu-e-be-sar-o-pa yaad rahegi