har daur mein har ahd mein tabinda rahenge

har daur meñ har ahd meñ tābinda raheñge

ham ahl-e-mohabbat haiñ daraḳhshanda raheñge

jo naqsh-e-qadam ahl-e-junūñ chhoḌ ga.e haiñ

tum laakh miTāoge vo pā.inda raheñge

tum ne vo sitam Dhaa.e haiñ arbāb-e-vafā par

tārīḳh ke aurāq bhī sharminda raheñge

hālāt jo maazī meñ the vo aaj nahīñ haiñ

darpesh jo ab haiñ vo na ā.inda raheñge

Dhal jā.egā ik roz tire husn kā sūraj

ham aaj bhī tābinda haiñ tābinda raheñge

rañg apnā badaltā hai zamāna to badal le

ham azmat-e-rafta ke numā.inda raheñge

sab nām-o-nishāñ dahr se miT jā.eñge 'rāhī'

kuchh naam haiñ aise bhī jo pā.inda raheñge

har daur mein har ahd mein tabinda rahenge

hum ahl-e-mohabbat hain daraKHshanda rahenge

jo naqsh-e-qadam ahl-e-junun chhoD gae hain

tum lakh miTaoge wo painda rahenge

tum ne wo sitam Dhae hain arbab-e-wafa par

tariKH ke auraq bhi sharminda rahenge

haalat jo mazi mein the wo aaj nahin hain

darpesh jo ab hain wo na aainda rahenge

Dhal jaega ek roz tere husn ka suraj

hum aaj bhi tabinda hain tabinda rahenge

rang apna badalta hai zamana to badal le

hum azmat-e-rafta ke numainda rahenge

sab nam-o-nishan dahr se miT jaenge 'rahi'

kuchh nam hain aise bhi jo painda rahenge