har dil mein bebasi ki chubhan chhoD jaunga

har dil meñ bebasī kī chubhan chhoḌ jā.ūñgā

jab bhī tujhe ai arz-e-vatan chhoḌ jā.ūñgā

hāsil tamām 'umr kā dhan chhoḌ jā.ūñgā

yā'nī zabān-e-gang-o-jaman chhoḌ jā.ūñgā

maġhmūm kis liye hai arī sar-phirī ḳhizāñ

maiñ tere naam apnā chaman chhoḌ jā.ūñgā

kāñTe kareñge yaad mirī chāk-dāmanī

phūloñ ko mahv-e-ranj-o-mehan chhoḌ jā.ūñgā

har ik ḳhushī karegī mujhe dar-ba-dar talāsh

har ik jabīn-e-ġham pe shikan chhoḌ jā.ūñgā

jī jī ke sab hī marte haiñ lekin maiñ ai 'amīn'

mar mar ke zinda rahne kā fan chhoḌ jā.ūñgā

har dil mein bebasi ki chubhan chhoD jaunga

jab bhi tujhe ai arz-e-watan chhoD jaunga

hasil tamam 'umr ka dhan chhoD jaunga

ya'ni zaban-e-gang-o-jaman chhoD jaunga

maghmum kis liye hai ari sar-phiri KHizan

main tere nam apna chaman chhoD jaunga

kanTe karenge yaad meri chaak-damani

phulon ko mahw-e-ranj-o-mehan chhoD jaunga

har ek KHushi karegi mujhe dar-ba-dar talash

har ek jabin-e-gham pe shikan chhoD jaunga

ji ji ke sab hi marte hain lekin main ai 'amin'

mar mar ke zinda rahne ka fan chhoD jaunga