har dua hogi be-asar na samajh

har duā hogī be-asar na samajh

aaj nāhaq hai aañkh tar na samajh

ziist mushkil sahī magar ai dost

maut āsān rahguzar na samajh

hausla rakh tū rahrav-e-manzil

thak ke raste ko apnā ghar na samajh

pūjtā huuñ maiñ pattharoñ ke sanam

mere dil meñ hai koī Dar na samajh

jā-ba-jā sun tū merī sargoshī

maiñ fazā meñ huuñ muntashir na samajh

jin charāġhoñ kī lau bahut kam hai

un charāġhoñ ko mo'atabar na samajh

maiñ tahī-dast muflis-o-nādār

tū mujhe dast-e-be-hunar na samajh

maiñ huuñ qaa.il tirī parastish kā

tujh se māñgūñgā maiñ guhar na samajh

terī dastak kā muntazir 'anjum'

shahr meñ hogā koī dar na samajh

har dua hogi be-asar na samajh

aaj nahaq hai aankh tar na samajh

zist mushkil sahi magar ai dost

maut aasan rahguzar na samajh

hausla rakh tu rahraw-e-manzil

thak ke raste ko apna ghar na samajh

pujta hun main pattharon ke sanam

mere dil mein hai koi Dar na samajh

ja-ba-ja sun tu meri sargoshi

main faza mein hun muntashir na samajh

jin charaghon ki lau bahut kam hai

un charaghon ko mo'atabar na samajh

main tahi-dast muflis-o-nadar

tu mujhe dast-e-be-hunar na samajh

main hun qail teri parastish ka

tujh se mangunga main guhar na samajh

teri dastak ka muntazir 'anjum'

shahr mein hoga koi dar na samajh