har dukh ko main jheli hun

har dukh ko maiñ jhelī huuñ

dard-bisāt pe khelī huuñ

ḳhud se hī dil kī baat karūñ

apnī aap sahelī huuñ

kyā koī mujh ko jānegā

aisī ek pahelī huuñ

tere jahāñ ko mahkā.ūñ

champā aur chamelī huuñ

apne hisār meñ lā.ūñ tujhe

dast-e-duā kī hathelī huuñ

mujh meñ bastā nahīñ koī

pur-asrār havelī huuñ

karūñ jo tere bas meñ nahīñ

vo sarmast albelī huuñ

is pur-shor zamāne meñ

'ḳhānam' kitnī akelī huuñ

har dukh ko main jheli hun

dard-bisat pe kheli hun

KHud se hi dil ki baat karun

apni aap saheli hun

kya koi mujh ko jaanega

aisi ek paheli hun

tere jahan ko mahkaun

champa aur chameli hun

apne hisar mein laun tujhe

dast-e-dua ki hatheli hun

mujh mein basta nahin koi

pur-asrar haweli hun

karun jo tere bas mein nahin

wo sarmast albeli hun

is pur-shor zamane mein

'KHanam' kitni akeli hun