ہر دکھ کو میں جھیلی ہوں
ہر دکھ کو میں جھیلی ہوں
درد بساط پہ کھیلی ہوں
خود سے ہی دل کی بات کروں
اپنی آپ سہیلی ہوں
کیا کوئی مجھ کو جانے گا
ایسی ایک پہیلی ہوں
تیرے جہاں کو مہکاؤں
چمپا اور چنبیلی ہوں
اپنے حصار میں لاؤں تجھے
دست دعا کی ہتھیلی ہوں
مجھ میں بستا نہیں کوئی
پر اسرار حویلی ہوں
کروں جو تیرے بس میں نہیں
وہ سرمست البیلی ہوں
اس پر شور زمانے میں
خانمؔ کتنی اکیلی ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
