har ek baat pe kyun pech-o-tab hota hai

har ek baat pe kyuuñ pech-o-tāb hotā hai

azīzo jurm-e-mohabbat azaab hotā hai

farāz-e-bām pe dekhā hai jab kabhī un ko

nazar meñ beach ruḳh-e-māhtāb hotā hai

faqat ye ishq-o-mohabbat kī ham pe aafat hai

ki jab bhī hotā hai ham par itaab hotā hai

jahāñ pe zulm-o-sitam had se apnī baḌhte haiñ

yaqīn maano vahīñ inqalāb hotā hai

na anjuman meñ Thikāna na apne ghar meñ kahīñ

ḳharāb bazm bhī ḳhāna-ḳharāb hotā hai

savāl-e-ajr-e-mohabbat pe vo bigaḌ baiThā

itaab kartā hai jab lā-javāb hotā hai

sambhal ke baiTh zarā dil ko thaam ai 'shādāñ'

kisī kā husn abhī be-naqāb hotā hai

har ek baat pe kyun pech-o-tab hota hai

azizo jurm-e-mohabbat azab hota hai

faraaz-e-baam pe dekha hai jab kabhi un ko

nazar mein beach ruKH-e-mahtab hota hai

faqat ye ishq-o-mohabbat ki hum pe aafat hai

ki jab bhi hota hai hum par itab hota hai

jahan pe zulm-o-sitam had se apni baDhte hain

yaqin mano wahin inqalab hota hai

na anjuman mein Thikana na apne ghar mein kahin

KHarab bazm bhi KHana-KHarab hota hai

sawal-e-ajr-e-mohabbat pe wo bigaD baiTha

itab karta hai jab la-jawab hota hai

sambhal ke baiTh zara dil ko tham ai 'shadan'

kisi ka husn abhi be-naqab hota hai