har ek KHwab so gaya KHayal jagte rahe
har ek ḳhvāb so gayā ḳhayāl jāgte rahe
javāb pī liye magar savāl jāgte rahe
hamārī putliyoñ pe ḳhvāb apnā bojh rakh ga.e
ham ek shab nahīñ ki maah o saal jāgte rahe
guzār ke vo hijrateñ ajiib zaḳhm de ga.iiñ
mile bhī us ke ba.ad par malāl jāgte rahe
bas ek baar yaad ne tumhārā saath chhū liyā
phir is ke ba.ad to ka.ī jamāl jāgte rahe
kamāl-e-be-kalī sahī ajiib ratjage kiye
hamāre jism niiñd se niDhāl jāgte rahe
koī javāz DhūñDte ḳhayāl hī nahīñ rahā
tamām umr yūñhī be-ḳhayāl jāgte rahe
har ek KHwab so gaya KHayal jagte rahe
jawab pi liye magar sawal jagte rahe
hamari putliyon pe KHwab apna bojh rakh gae
hum ek shab nahin ki mah o sal jagte rahe
guzar ke wo hijraten ajib zaKHm de gain
mile bhi us ke baad par malal jagte rahe
bas ek bar yaad ne tumhaara sath chhu liya
phir is ke baad to kai jamal jagte rahe
kamal-e-be-kali sahi ajib ratjage kiye
hamare jism nind se niDhaal jagte rahe
koi jawaz DhunDte KHayal hi nahin raha
tamam umr yunhi be-KHayal jagte rahe
- Book : jalti havaa ka giit (Pg. 137)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
