har ek lafz hai zinda alamaton se teri

har ek lafz hai zinda alāmatoñ se tirī

mirī ġhazal kī ye qāmat nazākatoñ se tirī

tire baġhair to be-samt thī masāfat-e-umr

mirā safar huā āsāñ rafāqatoñ se tirī

ab is meñ terī mirī ḳhāmushī hī behtar hai

ki baat phail ga.ī hai vazāhatoñ se tirī

mire rafīq mire is qadar ḳhilāf na the

ye iḳhtilāf baḌhā hai himāyatoñ se tirī

tirī talab ke havāle se zindagī thī mirī

mirā javāz huā ḳhatm qurbatoñ se tirī

maiñ ḳhār-o-ḳhas kā gharauñdā tū sail-e-shauq 'nadīm'

maiñ TūT-phūT gayā huuñ mohabbatoñ se tirī

har ek lafz hai zinda alamaton se teri

meri ghazal ki ye qamat nazakaton se teri

tere baghair to be-samt thi masafat-e-umr

mera safar hua aasan rafaqaton se teri

ab is mein teri meri KHamushi hi behtar hai

ki baat phail gai hai wazahaton se teri

mere rafiq mere is qadar KHilaf na the

ye iKHtilaf baDha hai himayaton se teri

teri talab ke hawale se zindagi thi meri

mera jawaz hua KHatm qurbaton se teri

main KHar-o-KHas ka gharaunda tu sail-e-shauq 'nadim'

main TuT-phuT gaya hun mohabbaton se teri