har ek naqsh tere panw ka nishan sa hai

har ek naqsh tire paañv kā nishāñ sā hai

har ek rāhguzar terā āstāñ sā hai

kahīñ simaT ke na rah jaa.e himmat-e-parvāz

ki shāḳh shāḳh pe pinhāñ ik āshiyāñ sā hai

abhī guloñ kī nazar se nazar nahīñ miltī

abhī fazā-e-chaman meñ dhuāñ dhuāñ sā hai

na jaane shauq kī vo raat kaT ga.ī kaise

har ek lamha jahāñ umr-e-jāvedāñ sā hai

ujaḌ ga.ī hai mirī kā.enāt-e-dil phir bhī

mirī nigāh meñ ābād ik jahāñ sā hai

zabāñ pe naam bhī aatā hai terā ruk ruk kar

har ek tār-e-nafas dil kā pāsbāñ sā hai

ye kis ne aaj jagā.ī hai ahd-e-rafta kī yaad

ye kaun dil ke qarīñ aaj nauha-ḳhvāñ sā hai

lage haiñ dil se ubharne vafā ke afsāne

ki apne haal pe phir koī mehrbāñ sā hai

har ek naqsh tere panw ka nishan sa hai

har ek rahguzar tera aastan sa hai

kahin simaT ke na rah jae himmat-e-parwaz

ki shaKH shaKH pe pinhan ek aashiyan sa hai

abhi gulon ki nazar se nazar nahin milti

abhi faza-e-chaman mein dhuan dhuan sa hai

na jaane shauq ki wo raat kaT gai kaise

har ek lamha jahan umr-e-jawedan sa hai

ujaD gai hai meri kaenat-e-dil phir bhi

meri nigah mein aabaad ek jahan sa hai

zaban pe nam bhi aata hai tera ruk ruk kar

har ek tar-e-nafas dil ka pasban sa hai

ye kis ne aaj jagai hai ahd-e-rafta ki yaad

ye kaun dil ke qarin aaj nauha-KHwan sa hai

lage hain dil se ubharne wafa ke afsane

ki apne haal pe phir koi mehrban sa hai