har ek sham ka manzar dhuan ugalne laga
har ek shaam kā manzar dhuāñ ugalne lagā
vo dekho duur kahīñ āsmāñ pighalne lagā
to kyā huā jo mayassar koī libās nahīñ
pahan ke dhuup maiñ apne badan pe chalne lagā
maiñ pichhlī raat to bechain ho gayā itnā
ki us ke baad ye dil ḳhud-ba-ḳhud bahalne lagā
ajiib ḳhvāb the shīshe kī kirchiyoñ kī tarah
jab un ko dekhā to āñkhoñ se ḳhuuñ nikalne lagā
banā ke dā.era yādeñ simaT ke baiTh ga.iiñ
ba-vaqt-e-shām jo dil kā alaao jalne lagā
har ek sham ka manzar dhuan ugalne laga
wo dekho dur kahin aasman pighalne laga
to kya hua jo mayassar koi libas nahin
pahan ke dhup main apne badan pe chalne laga
main pichhli raat to bechain ho gaya itna
ki us ke baad ye dil KHud-ba-KHud bahalne laga
ajib KHwab the shishe ki kirchiyon ki tarah
jab un ko dekha to aankhon se KHun nikalne laga
bana ke daera yaaden simaT ke baiTh gain
ba-waqt-e-sham jo dil ka alao jalne laga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
