har ek shai se mohabbat ki rishta-dari rakh
har ek shai se mohabbat kī rishta-dārī rakh
ab is ko jañg samajh aur jañg jaarī rakh
na jaane kis ko vo apnā samajh ke apnā leñ
nazar ko dil ko tamannā ko baarī baarī rakh
agar tumhārī hai tanhā to is ko le jaao
agar hai sājhī ye duniyā to sājhedārī rakh
na samjheñ apnā magar ġhair to na samjheñ log
ab apne aap meñ itnī to inkisārī rakh
yahī se ḳhvāb janam leñge phir na.e 'nāzim'
lipaT ke niiñd se āñkhoñ ke paañv bhārī rakh
har ek shai se mohabbat ki rishta-dari rakh
ab is ko jang samajh aur jang jari rakh
na jaane kis ko wo apna samajh ke apna len
nazar ko dil ko tamanna ko bari bari rakh
agar tumhaari hai tanha to is ko le jao
agar hai sajhi ye duniya to sajhedari rakh
na samjhen apna magar ghair to na samjhen log
ab apne aap mein itni to inkisari rakh
yahi se KHwab janam lenge phir nae 'nazim'
lipaT ke nind se aankhon ke panw bhaari rakh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
