har ek shaKHs se qaem dua salam rahe

har ek shaḳhs se qaa.em duā salām rahe

jahāñ meñ faiz-e-mohabbat hamesha aam rahe

yahāñ jo aadmī apnā maqām pahchāne

to ḳhud hī us kī tamanna meñ har maqām rahe

kisī ġharīb se pūchho ki zindagī kyā hai

na sub.h sub.h ke jaisī na shaam shaam rahe

judā judā haiñ yahāñ sab kā intiḳhāb-e-nazar

aziiz saaqī kisī ko kisī ko jaam rahe

hudūd-e-dair-o-haram se nikal ga.e aage

jo log tere tajassus meñ tez gaam rahe

kisī ke sāmne jalva-numā.ī hai us kī

'suman' kisī ko bas itnā ki ham-kalām rahe

har ek shaKHs se qaem dua salam rahe

jahan mein faiz-e-mohabbat hamesha aam rahe

yahan jo aadmi apna maqam pahchane

to KHud hi us ki tamanna mein har maqam rahe

kisi gharib se puchho ki zindagi kya hai

na subh subh ke jaisi na sham sham rahe

juda juda hain yahan sab ka intiKHab-e-nazar

aziz saqi kisi ko kisi ko jam rahe

hudud-e-dair-o-haram se nikal gae aage

jo log tere tajassus mein tez gam rahe

kisi ke samne jalwa-numai hai us ki

'suman' kisi ko bas itna ki ham-kalam rahe