har gham ko yun to zabt kiye ja raha hun main
Interesting Fact
April 1951
har ġham ko yuuñ to zabt kiye jā rahā huuñ maiñ
is ġham ko kyā karūñ ki jiye jā rahā huuñ maiñ
lo saath de chukī shab-e-hijrāñ kā zindagī
ab shām-e-ġham ko saath liye jā rahā huuñ maiñ
haañ aañkh tar nahīñ magar aañsū kahāñ se aa.eñ
hamrāz ḳhūn-e-dil to piye jā rahā huuñ maiñ
kaisā sukūñ ki dil bhī to hai dafn mere saath
ye sāz-e-iztirāb liye jā rahā huuñ maiñ
bhar bhar ke de rahā hai falak talḳh jām-e-ġham
kyā zauq hai balā kā piye jā rahā huuñ maiñ
haañ pā-e-sabr thak ga.e lekin idhar to dekh
ab sajda-e-hā-e-shukr kiye jā rahā huuñ maiñ
'mānī' ye sozan-e-nafas-o-rishta-e-vafā
lab-hā-e-shikva-sang siye jā rahā huuñ maiñ
har gham ko yun to zabt kiye ja raha hun main
is gham ko kya karun ki jiye ja raha hun main
lo sath de chuki shab-e-hijran ka zindagi
ab sham-e-gham ko sath liye ja raha hun main
han aankh tar nahin magar aansu kahan se aaen
hamraaz KHun-e-dil to piye ja raha hun main
kaisa sukun ki dil bhi to hai dafn mere sath
ye saz-e-iztirab liye ja raha hun main
bhar bhar ke de raha hai falak talKH jam-e-gham
kya zauq hai bala ka piye ja raha hun main
han pa-e-sabr thak gae lekin idhar to dekh
ab sajda-e-ha-e-shukr kiye ja raha hun main
'mani' ye sozan-e-nafas-o-rishta-e-wafa
lab-ha-e-shikwa-sang siye ja raha hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
