har gham mein karim hai hamara

har ġham meñ karīm hai hamārā

allāh rahīm hai hamārā

kahtā hai rahm khā ke ma.abūd

ye abd yatīm hai hamārā

sehat hai maraz qazā shifā hai

allāh hakīm hai hamārā

tū ḳhush ho ki hai dahān-e-ḳhandāñ

dil ġham se do niim hai hamārā

qismat meñ jo hai vahī milegā

maqsūm qasīm hai hamārā

dil ġhairat-e-gul hai dāġh-e-ġham se

dam rashk-e-shamīm hai hamārā

sābit hai ki dam meñ kuchh kā kuchh hai

nādim jo nadīm hai hamārā

maḳhlūq na samjhe gunāh-e-ḳhāliq

allāh halīm hai hamārā

hādis tere but haiñ sab barahman

allāh qadīm hai hamārā

aadil hai tū irs-e-had meñ kyā kyā

ghar bāġh-e-na.īm hai hamārā

āñkheñ nahīñ par hai shauq-e-dīdār

dil ain-e-kalīm hai hamārā

kyā pesh-e-nazar haiñ shabnam-o-gul

goyā zar-o-sīm hai hamārā

har lahza hai 'arsh' umīd-e-rahmat

allāh rahīm hai hamārā

har gham mein karim hai hamara

allah rahim hai hamara

kahta hai rahm kha ke mabud

ye abd yatim hai hamara

sehat hai maraz qaza shifa hai

allah hakim hai hamara

tu KHush ho ki hai dahan-e-KHandan

dil gham se do nim hai hamara

qismat mein jo hai wahi milega

maqsum qasim hai hamara

dil ghairat-e-gul hai dagh-e-gham se

dam rashk-e-shamim hai hamara

sabit hai ki dam mein kuchh ka kuchh hai

nadim jo nadim hai hamara

maKHluq na samjhe gunah-e-KHaliq

allah halim hai hamara

hadis tere but hain sab barahman

allah qadim hai hamara

aadil hai tu irs-e-had mein kya kya

ghar bagh-e-naim hai hamara

aankhen nahin par hai shauq-e-didar

dil ain-e-kalim hai hamara

kya pesh-e-nazar hain shabnam-o-gul

goya zar-o-sim hai hamara

har lahza hai 'arsh' umid-e-rahmat

allah rahim hai hamara