har gham pe aaj-kal hai KHushi ka guman mujhe

har ġham pe āj-kal hai ḳhushī kā gumāñ mujhe

le aa.ī yād-e-yār kahāñ se kahāñ mujhe

manzūr zauq-e-dīd kā ho imtihāñ mujhe

ye taab ye majāl ye tāqat kahāñ mujhe

yārab qafas kī ḳhair ki dekhā jo ḳhvāb bhī

aayā hai bijliyoñ meñ nazar āshiyāñ mujhe

āzādī-e-ḳhayāl ke vo rañg ab kahāñ

thā ibtidā meñ kunj-e-qafas āshiyāñ mujhe

zauq-e-talab kā raaz yahī zindagī yahī

har kārvāñ hai gard-e-pas-e-kārvāñ mujhe

maiñ jān-e-rañg-o-bū huuñ maiñ ārā.ish-e-chaman

tū kyā samajh rahā hai mire bāġhbāñ mujhe

tevar nigāh-e-nāz ke kuchh din yahī jo haiñ

yārā-e-zabt-e-rāz 'jamālī' kahāñ mujhe

har gham pe aaj-kal hai KHushi ka guman mujhe

le aai yaad-e-yar kahan se kahan mujhe

manzur zauq-e-did ka ho imtihan mujhe

ye tab ye majal ye taqat kahan mujhe

yarab qafas ki KHair ki dekha jo KHwab bhi

aaya hai bijliyon mein nazar aashiyan mujhe

aazadi-e-KHayal ke wo rang ab kahan

tha ibtida mein kunj-e-qafas aashiyan mujhe

zauq-e-talab ka raaz yahi zindagi yahi

har karwan hai gard-e-pas-e-karwan mujhe

main jaan-e-rang-o-bu hun main aaraish-e-chaman

tu kya samajh raha hai mere baghban mujhe

tewar nigah-e-naz ke kuchh din yahi jo hain

yara-e-zabt-e-raaz 'jamali' kahan mujhe