har ghaDi ek sitam ijad kiya hai humne

har ghaḌī ik sitam ījād kiyā hai ham ne

shahr-e-dil ḳhud tujhe barbād kiyā hai ham ne

aaj is ke hī karishmoñ se haiñ mahjūb bahut

kal jise ḳhud hī parī-zād kiyā hai ham ne

ik imārat ki uThānī hai sar-e-dasht-e-vajūd

so ġham-e-jāñ tujhe buniyād kiyā hai ham ne

apne siine meñ utāre ka.ī ḳhanjar sau baar

tujh ko ik baar jo nāshād kiyā hai ham ne

kis qadar aaj havāoñ meñ laraztā rahā dil

kis qadar aaj tujhe yaad kiyā hai ham ne

har ghaDi ek sitam ijad kiya hai hum ne

shahr-e-dil KHud tujhe barbaad kiya hai hum ne

aaj is ke hi karishmon se hain mahjub bahut

kal jise KHud hi pari-zad kiya hai hum ne

ek imarat ki uThani hai sar-e-dasht-e-wajud

so gham-e-jaan tujhe buniyaad kiya hai hum ne

apne sine mein utare kai KHanjar sau bar

tujh ko ek bar jo nashad kiya hai hum ne

kis qadar aaj hawaon mein larazta raha dil

kis qadar aaj tujhe yaad kiya hai hum ne