har ghar ke makinon ne hi dar khole hue the

har ghar ke makīnoñ ne hī dar khole hue the

sāmān bañdhā rakkhā thā par khole hue the

kyā karte jo do chaar qadam thā lab-e-dariyā

jab hausle hī raḳht-e-safar khole hue the

ik us ke bichhaḌne kā qalaq sab ko huā thā

sarsabz daraḳhtoñ ne bhī sar khole hue the

sachchā.ī kī ḳhushbū kī ramaq tak na thī un meñ

vo log jo bāzār-e-hunar khole hue the

pahuñchā thā haqīqat ko koī ek hī 'anjum'

āñkheñ to ka.ī ahl-e-nazar khole hue the

har ghar ke makinon ne hi dar khole hue the

saman bandha rakkha tha par khole hue the

kya karte jo do chaar qadam tha lab-e-dariya

jab hausle hi raKHt-e-safar khole hue the

ek us ke bichhaDne ka qalaq sab ko hua tha

sarsabz daraKHton ne bhi sar khole hue the

sachchai ki KHushbu ki ramaq tak na thi un mein

wo log jo bazar-e-hunar khole hue the

pahuncha tha haqiqat ko koi ek hi 'anjum'

aankhen to kai ahl-e-nazar khole hue the