har har waraq pe kyun ki likhun dastan-e-hijr

har har varaq pe kyuuñ ki likhūñ dāstān-e-hijr

aatā nahīñ zabān-e-qalam par bayān-e-hijr

zāhir agarche tāza-o-tar misl-e-lāla huuñ

mujh dil meñ jānashīn hai dāġh-e-nihān-e-hijr

pazhmurda kyuuñ na ho.e gul-e-ummīd-e-āshiqāñ

bahtī hai dil ke baaġh meñ bād-e-ḳhizān-e-hijr

āb-e-hayāt vasl siiñ de umr-e-jāvedāñ

hai be-qarār ġham siiñ tire nīm-jān-e-hijr

vo āshiqī kī misl meñ manzūr hai mudām

chille maiñ ġham ke baiTh jo khīñchā kamān-e-hijr

niiñ sair-e-lāla-zār kī āshiq kuuñ aarzū

az-bas hai dāġh-e-sīna gul-e-bostān-e-hijr

jaarī ba-rāh-e-chashm satī ḳhūn-e-dil 'sirāj'

jab siiñ mire jigar meñ lagī hai sinān-e-hijr

har har waraq pe kyun ki likhun dastan-e-hijr

aata nahin zaban-e-qalam par bayan-e-hijr

zahir agarche taza-o-tar misl-e-lala hun

mujh dil mein jaanashin hai dagh-e-nihan-e-hijr

pazhmurda kyun na hoe gul-e-ummid-e-ashiqan

bahti hai dil ke bagh mein baad-e-KHizan-e-hijr

aab-e-hayat wasl sin de umr-e-jawedan

hai be-qarar gham sin tere nim-jaan-e-hijr

wo aashiqi ki misl mein manzur hai mudam

chille main gham ke baiTh jo khincha kaman-e-hijr

nin sair-e-lala-zar ki aashiq kun aarzu

az-bas hai dagh-e-sina gul-e-bostan-e-hijr

jari ba-rah-e-chashm sati KHun-e-dil 'siraj'

jab sin mere jigar mein lagi hai sinan-e-hijr