har ek diwar har ek dar hamara

har ik dīvār har ik dar hamārā

mileñ gar ban nahīñ hai ghar hamārā

raqābat duur se kariyo hamārī

muqarrar sher hai dīgar hamārā

jahāñ par jā ke āmāda paḌho ho

vahāñ par zikr hai din bhar hamārā

shitābī hai nahīñ ham ko suḳhan kī

hameñ andāz hai andar hamārā

nishāñ apnā na pūchho hai kidhar tak

hamārā hai idhar ūdhar hamārā

ġhulāmī tum karo apnā zamāñ hai

hukm nīche se hai uupar hamārā

faqīrī se subukdoshī mile kab

adam se qabl hai mahshar hamārā

'abān'-e-dar-ba-dar ye chāk-jebī

kisū se jal gayā bistar hamārā

har ek diwar har ek dar hamara

milen gar ban nahin hai ghar hamara

raqabat dur se kariyo hamari

muqarrar sher hai digar hamara

jahan par ja ke aamada paDho ho

wahan par zikr hai din bhar hamara

shitabi hai nahin hum ko suKHan ki

hamein andaz hai andar hamara

nishan apna na puchho hai kidhar tak

hamara hai idhar udhar hamara

ghulami tum karo apna zaman hai

hukm niche se hai upar hamara

faqiri se subukdoshi mile kab

adam se qabl hai mahshar hamara

'aban'-e-dar-ba-dar ye chaak-jebi

kisu se jal gaya bistar hamara