har ek fan mein yaqinan taq hai wo

har ik fan meñ yaqīnan taaq hai vo

azal hī se baḌā ḳhallāq hai vo

jise tum ne kahā thā samm-e-qātil

azīzam asl meñ tiryāq hai vo

use sañg-e-tanaffur se na ragḌo

sulag uTThegā dil chaqmāq hai vo

ġhurūb-e-sidq kā ḳhadsha hai bātil

kahāñ minnat-kash-e-ishrāq hai vo

jarī ibn-e-sharāfat nek laḌkā

qabīle bhar meñ lekin aaq hai vo

ba-bātin aa.ina hai qalb us kā

ba-zāhir sarvar-e-fussāq hai vo

kahāñ se ehtisāb-e-nafs hogā

hisāb-e-dostāñ be-bāq hai vo

muqaffal ghar khulā hai ik darīcha

kisī kī diid kā mushtāq hai vo

jahāñ rakkhī hai sham-e-be-sabātī

mirī dīvār-e-jāñ kā taaq hai vo

azā.em jis se paspā hoñ safar meñ

amiir us ko kaheñ qazzāq hai vo

havas bhī kyā koī ḳhasta sutūñ hai

daraḳht-e-nārasā kī saaq hai vo

banāyā us ne sab ko juft 'rāhī'

magar har zāviye se taaq hai vo

har ek fan mein yaqinan taq hai wo

azal hi se baDa KHallaq hai wo

jise tum ne kaha tha samm-e-qatil

azizam asl mein tiryaq hai wo

use sang-e-tanaffur se na ragDo

sulag uTThega dil chaqmaq hai wo

ghurub-e-sidq ka KHadsha hai baatil

kahan minnat-kash-e-ishraq hai wo

jari ibn-e-sharafat nek laDka

qabile bhar mein lekin aaq hai wo

ba-baatin aaina hai qalb us ka

ba-zahir sarwar-e-fussaq hai wo

kahan se ehtisab-e-nafs hoga

hisab-e-dostan be-baq hai wo

muqaffal ghar khula hai ek daricha

kisi ki did ka mushtaq hai wo

jahan rakkhi hai sham-e-be-sabaati

meri diwar-e-jaan ka taq hai wo

azaem jis se paspa hon safar mein

amir us ko kahen qazzaq hai wo

hawas bhi kya koi KHasta sutun hai

daraKHt-e-narasa ki saq hai wo

banaya us ne sab ko juft 'rahi'

magar har zawiye se taq hai wo