har ek imkan tak paspai hai apni
har ik imkān tak paspā.ī hai apnī
aur us ke ba.ad saf-ārā.ī hai apnī
sazā samjho mujhe us khokhle-pan kī
sadā har samt se lauT aa.ī hai apnī
jamā.at be-jamā.at ek sā huuñ maiñ
ki sad.hā shakl kī tanhā.ī hai apnī
ab un sairābiyoñ kā silsila kab tak
ḳhabar to muddatoñ tak paa.ī hai apnī
phir apne aap meñ girne lagā huuñ maiñ
vahī laġhzish vahī gahrā.ī hai apnī
safar be-lazzatī kī justujū kā hai
ba-har-manzar ziyāñ-paimā.ī hai apnī
har ek imkan tak paspai hai apni
aur us ke baad saf-arai hai apni
saza samjho mujhe us khokhle-pan ki
sada har samt se lauT aai hai apni
jamaat be-jamaat ek sa hun main
ki sadha shakl ki tanhai hai apni
ab un sairabiyon ka silsila kab tak
KHabar to muddaton tak pai hai apni
phir apne aap mein girne laga hun main
wahi laghzish wahi gahrai hai apni
safar be-lazzati ki justuju ka hai
ba-har-manzar ziyan-paimai hai apni
- Book : Shabkhoon (Urdu Monthly) (Pg. 951)
- Author : Shamsur Rahman Faruqi
- Publication : Shabkhoon Po. Box No.13, 313 rani Mandi Allahabad (June December 2005áIssue No. 293 To 299âPart II)
- Edition : June December 2005áIssue No. 293 To 299âPart II
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
