har ek jawab ki tah mein sawal aaega

har ik javāb kī tah meñ savāl aa.egā

ga.e yugoñ ke butoñ kā zavāl aa.egā

hunar kā aks bhī ho aa.ina bhī ban jaao

phir is ke baad hī rang-e-kamāl aa.egā

harīf-e-jāñ hai agar vo to phir kaho us se

ga.ī jo jaan to dil kā savāl aa.egā

yaqīn hai ki milegā uruuj ham ko bhī

yaqīn hai ki tirā bhī zavāl aa.egā

abhī umiid ko māyūsiyoñ kā rang na de

Thahar Thahar abhī is kā ḳhayāl aa.egā

usī kī shah pe bujhegā charāġh-e-dil 'ādil'

nihāñ ḳhulūs meñ jo ishti.āl aa.egā

har ek jawab ki tah mein sawal aaega

gae yugon ke buton ka zawal aaega

hunar ka aks bhi ho aaina bhi ban jao

phir is ke baad hi rang-e-kamal aaega

harif-e-jaan hai agar wo to phir kaho us se

gai jo jaan to dil ka sawal aaega

yaqin hai ki milega uruj hum ko bhi

yaqin hai ki tera bhi zawal aaega

abhi umid ko mayusiyon ka rang na de

Thahar Thahar abhi is ka KHayal aaega

usi ki shah pe bujhega charagh-e-dil 'adil'

nihan KHulus mein jo ishtial aaega