ہر اک منظر بدلتا جا رہا ہے
ہر اک منظر بدلتا جا رہا ہے
یہ لمحہ بھی گزرتا جا رہا ہے
ترا احساس اک مدت سے میری
رگ و پے میں اترتا جا رہا ہے
شکایت زندگی سے کرتے کرتے
وہ اک اک لمحہ مرتا جا رہا ہے
پڑا ہے جب سے تیرا عکس اس میں
یہ آئینہ سنورتا جا رہا ہے
ورق یادوں کے کس نے کھول ڈالے
مرا کمرہ مہکتا جا رہا ہے
یہ دنیا تو سمٹتی جا رہی ہے
مگر انساں بکھرتا جا رہا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
