har ek qadam pe matam-e-mehr-o-wafa hua

har ik qadam pe mātam-e-mehr-o-vafā huā

aksar ye sochtā huuñ zamāne ko kyā huā

vo sāmne nahīñ haiñ magar dam-ba-ḳhud huuñ maiñ

kyā baat kar sakūñgā agar sāmnā huā

māyūsiyāñ hujūm-e-tamannā tumhārī yaad

ik dil hai vo bhī kitne ġhamoñ se bharā huā

rāh-e-junūñ meñ aisā bhī ik moḌ thā jahāñ

ḳhud merā naqsh-e-pā hī mirā rahnumā huā

kaliyoñ meñ kahkashāñ meñ sitāroñ meñ phuul meñ

jā.ūñ kahāñ kahāñ maiñ tumheñ DhūñDhtā huā

achchhā kalām achchhā tarannum hasīñ ḳhayāl

sab kuchh hai mere paas ḳhudā kā diyā huā

'bismil' mirī misāl kuchh is ke sivā nahīñ

āñdhī meñ jaise ek diyā ho jalā huā

har ek qadam pe matam-e-mehr-o-wafa hua

aksar ye sochta hun zamane ko kya hua

wo samne nahin hain magar dam-ba-KHud hun main

kya baat kar sakunga agar samna hua

mayusiyan hujum-e-tamanna tumhaari yaad

ek dil hai wo bhi kitne ghamon se bhara hua

rah-e-junun mein aisa bhi ek moD tha jahan

KHud mera naqsh-e-pa hi mera rahnuma hua

kaliyon mein kahkashan mein sitaron mein phul mein

jaun kahan kahan main tumhein DhunDhta hua

achchha kalam achchha tarannum hasin KHayal

sab kuchh hai mere pas KHuda ka diya hua

'bismil' meri misal kuchh is ke siwa nahin

aandhi mein jaise ek diya ho jala hua