har ek qadam pe Thokaron ka hausla bhi chahiye

har ik qadam pe Thokaroñ kā hausla bhī chāhiye

masarratoñ ko talḳhiyoñ kā aa.ina bhī chāhiye

ḳhalāoñ meñ bhaTak ke kaun pā sakā hai zindagī

ḳhudī kī parvarish ke vāste fazā bhī chāhiye

abhī ḳhudī to kamtarī kā kāsa-e-gadā.ī hai

fareb-e-zauq-e-ārzū kī intihā bhī chāhiye

khanak rahī haiñ sāġharoñ meñ muztarib haqīqateñ

haqīqatoñ kī dilkashī kā tajziyā bhī chāhiye

ḳhayāl-āfrīniyoñ kā naam to nahīñ hayāt

tasalliyoñ ko ḳhāk-o-ḳhūñ kā rāsta bhī chāhiye

abhī the lab pe sarḳhushī ke giit ab ye hichkiyāñ

mu'āf kar shikast-e-sāz ko sadā bhī chāhiye

huuñ nang-e-mai-kada bahār-e-mai-kada ko ai 'kamāl'

mirī hī tishnagī kā lekin aasrā bhī chāhiye

har ek qadam pe Thokaron ka hausla bhi chahiye

masarraton ko talKHiyon ka aaina bhi chahiye

KHalaon mein bhaTak ke kaun pa saka hai zindagi

KHudi ki parwarish ke waste faza bhi chahiye

abhi KHudi to kamtari ka kasa-e-gadai hai

fareb-e-zauq-e-arzu ki intiha bhi chahiye

khanak rahi hain sagharon mein muztarib haqiqaten

haqiqaton ki dilkashi ka tajziya bhi chahiye

KHayal-afriniyon ka nam to nahin hayat

tasalliyon ko KHak-o-KHun ka rasta bhi chahiye

abhi the lab pe sarKHushi ke git ab ye hichkiyan

mu'af kar shikast-e-saz ko sada bhi chahiye

hun nang-e-mai-kada bahaar-e-mai-kada ko ai 'kamal'

meri hi tishnagi ka lekin aasra bhi chahiye