har ek qadam pe zaKHm nae khae kis tarah

har ik qadam pe zaḳhm na.e khaa.e kis tarah

rindoñ kī anjuman meñ koī jaa.e kis tarah

sahrā kī vus'atoñ meñ rahā 'umr bhar jo gum

sahrā kī vahshatoñ se vo ghabrā.e kis tarah

jis ne bhī tujh ko chāhā diyā us ko tū ne ġham

duniyā tire fareb koī khaa.e kis tarah

zindāñ pe tīrgī ke haiñ pahre lage hue

pur-haul ḳhvāb-gāh meñ niiñd aa.e kis tarah

zanjīr-e-pā kaTī to javānī guzar ga.ī

hoñToñ pe terā nām-e-'sabā' laa.e kis tarah

har ek qadam pe zaKHm nae khae kis tarah

rindon ki anjuman mein koi jae kis tarah

sahra ki wus'aton mein raha 'umr bhar jo gum

sahra ki wahshaton se wo ghabrae kis tarah

jis ne bhi tujh ko chaha diya us ko tu ne gham

duniya tere fareb koi khae kis tarah

zindan pe tirgi ke hain pahre lage hue

pur-haul KHwab-gah mein nind aae kis tarah

zanjir-e-pa kaTi to jawani guzar gai

honTon pe tera nam-e-'saba' lae kis tarah