ہر اک صدا میں یہاں دوسری صدا ہے کوئی

ہر اک صدا میں یہاں دوسری صدا ہے کوئی

ہر ایک لمحہ یہی ڈر بچھڑ رہا ہے کوئی

سراغ پا نہ سکا ڈگمگاتے قدموں کا

ہمارے پیچھے بہت دور تک گیا ہے کوئی

نواح جاں میں عجب چاندنی چمکتی ہے

کہ جیسے روح کے اندر اتر گیا ہے کوئی

ہماری آنکھ اجالوں سے موند کر شاید

ہمارے زخم اندھیروں سے بھر گیا ہے کوئی

سجا لو اس کو یہاں طاق ہر سماعت میں

پھر اس کے بعد بہت دور کی صدا ہے کوئی

دیار جسم میں بس ایک غم کا چہرا ہے

فضا اداس ہے جیسے کہ مر گیا ہے کوئی