har ek se hum kinara chahte hain

har ik se ham kināra chāhte haiñ

ta'alluq bas tumhārā chāhte haiñ

jo ik chehra mire pesh-e-nazar hai

use dil meñ utārā chāhte haiñ

kaho to chāñd ko muTThī meñ le leñ

tirā nāzuk ishāra chāhte haiñ

mileñ un se ki milnā chhoḌ deñ ham

mukammal istiḳhāra chāhte haiñ

ham apnī āñkheñ kaise band kar leñ

musalsal ik nazāra chāhte haiñ

samundar meñ vo bhaTkeñge kahāñ tak

safīne to kināra chāhte haiñ

vo jis ne tan-badan meñ aag bhar dī

vahī raushan sitāra chāhte haiñ

nahīñ ham chāhte haiñ tar nivāle

qanā'at se guzāra chāhte haiñ

javānī kī jahāñ tak saltanat hai

vahāñ apnā ijāra chāhte haiñ

ye ā.īna to hai dushman hamārā

nayā ik ruup dhārā chāhte haiñ

miTāyā jis ne hai 'fārūq' ham ko

usī kā ham sahārā chāhte haiñ

har ek se hum kinara chahte hain

ta'alluq bas tumhaara chahte hain

jo ek chehra mere pesh-e-nazar hai

use dil mein utara chahte hain

kaho to chand ko muTThi mein le len

tera nazuk ishaara chahte hain

milen un se ki milna chhoD den hum

mukammal istiKHara chahte hain

hum apni aankhen kaise band kar len

musalsal ek nazara chahte hain

samundar mein wo bhaTkenge kahan tak

safine to kinara chahte hain

wo jis ne tan-badan mein aag bhar di

wahi raushan sitara chahte hain

nahin hum chahte hain tar niwale

qana'at se guzara chahte hain

jawani ki jahan tak saltanat hai

wahan apna ijara chahte hain

ye aaina to hai dushman hamara

naya ek rup dhaara chahte hain

miTaya jis ne hai 'faruq' hum ko

usi ka hum sahaara chahte hain