har ek shai ishtihaari ho gai hai
har ik shai ishtihārī ho ga.ī hai
ye duniyā kārobārī ho ga.ī hai
mire dil meñ jo thī vo baat ab to
mire hoñToñ pe jaarī ho ga.ī hai
sitam jhele haiñ itne āgahī ke
ajab hālat hamārī ho ga.ī hai
tirī yādoñ ke sadqe vaj.h-e-rāhat
shab-e-aḳhtar-shumārī ho ga.ī hai
ka.ī din se ye kaisī be-ḳhudī sī
dil-e-muztar pe taarī ho ga.ī hai
ye mumkin hī nahīñ tanhā rahūñ maiñ
ġham-e-jānāñ se yaarī ho ga.ī hai
ye terī aarzū terī tamannā
bhalā kyuuñ vaj.h-e-ḳhvārī ho ga.ī hai
har ek shai ishtihaari ho gai hai
ye duniya karobari ho gai hai
mere dil mein jo thi wo baat ab to
mere honTon pe jari ho gai hai
sitam jhele hain itne aagahi ke
ajab haalat hamari ho gai hai
teri yaadon ke sadqe wajh-e-rahat
shab-e-aKHtar-shumari ho gai hai
kai din se ye kaisi be-KHudi si
dil-e-muztar pe tari ho gai hai
ye mumkin hi nahin tanha rahun main
gham-e-jaanan se yari ho gai hai
ye teri aarzu teri tamanna
bhala kyun wajh-e-KHwari ho gai hai
- Book : Sharar-e-sang (Pg. 138)
- Author : Zafar Ansari Zafar
- Publication : Educational Publishing House (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
