har ek shajar pe parinde simaT ke baiThe hain

har ik shajar pe parinde simaT ke baiThe haiñ

havā-e-sard ke jhoñke bahut nukīle haiñ

kahāñ sañbhaltā hai jaldī kisī kī maut se dil

haañ Thīk-Thāk haiñ pahle se thoḌe achchhe haiñ

dhuāñ dhuāñ sī hai fihrist-e-raftagāñ lekin

do ek chehre haiñ vaise hī jagmagāte haiñ

tujhe ḳhabar bhī hai ai dost tere marham se

kuchh ek zaḳhm jo andar na.e se bante haiñ

qadam qadam pe na.e moḌ muḌne vaale log

na jaane kyoñ mujhe ab Thiik jaan paḌte haiñ

judā hue to bahut din guzar ga.e lekin

havā-e-tāza ke jhoñkoñ se ab bhī Darte haiñ

kabhī to ḳhuub sisakte haiñ be-tarah aur phir

ḳhayāl-e-marg se yak-dam chahakne lagte haiñ

har ek shajar pe parinde simaT ke baiThe hain

hawa-e-sard ke jhonke bahut nukile hain

kahan sanbhalta hai jaldi kisi ki maut se dil

han Thik-Thak hain pahle se thoDe achchhe hain

dhuan dhuan si hai fihrist-e-raftagan lekin

do ek chehre hain waise hi jagmagate hain

tujhe KHabar bhi hai ai dost tere marham se

kuchh ek zaKHm jo andar nae se bante hain

qadam qadam pe nae moD muDne wale log

na jaane kyon mujhe ab Thik jaan paDte hain

juda hue to bahut din guzar gae lekin

hawa-e-taza ke jhonkon se ab bhi Darte hain

kabhi to KHub sisakte hain be-tarah aur phir

KHayal-e-marg se yak-dam chahakne lagte hain