har ishq riwayat ki to jagir nahin hai

har ishq rivāyat kī to jāgīr nahīñ hai

rāñjhā maiñ nahīñ lagtā huuñ vo hiir nahīñ hai

lab kaise haiñ ab faisla guftār se hogā

maiñ madd-e-muqābil huuñ koī 'mīr' nahīñ hai

āġhosh-e-mohabbat se na ghabrāo hamāre

chādar hai ise oḌh lo zanjīr nahīñ hai

bas dekhnā maqsad ho to tasvīr lagegī

mahsūs kiyā jaa.e to tasvīr nahīñ hai

chāhe jo likhe shauq se dhaḌkan kī ibārat

sau shukr mire hāthoñ kī tahrīr nahīñ hai

tum bhī to na.e ḳhvāb kā tohfa liye aa.iiñ

ya.anī mirī taqdīr meñ ta.abīr nahīñ hai

har ishq riwayat ki to jagir nahin hai

ranjha main nahin lagta hun wo hir nahin hai

lab kaise hain ab faisla guftar se hoga

main madd-e-muqabil hun koi 'mir' nahin hai

aaghosh-e-mohabbat se na ghabrao hamare

chadar hai ise oDh lo zanjir nahin hai

bas dekhna maqsad ho to taswir lagegi

mahsus kiya jae to taswir nahin hai

chahe jo likhe shauq se dhaDkan ki ibarat

sau shukr mere hathon ki tahrir nahin hai

tum bhi to nae KHwab ka tohfa liye aain

yani meri taqdir mein tabir nahin hai