ہر جاں کو یہاں خاطر منزل بہ سفر ہے

ہر جاں کو یہاں خاطر منزل بہ سفر ہے

مقصود جہاں کامل اشیائے ہنر ہے

خاکستر انوار لہو بن کے تجلی

اعضائے بشر میں کوئی دم ساز اثر ہے

آشفتہ سری رہبر کشاف مقاصد

تند روئے زمانہ میں بھی کوتاہ نظر ہے

اس شورش دنیا میں جو دیکھو تو میسر

تا حد نظر ہیچ نشانات سحر ہے

کیوں ہوں نہ پریشاں کہ یہاں صاحب و مالک

گو ہیں بلب مرگ نظر سوئے گہر ہے

دنیا کے پس و پیش کو سمجھو گے کہاں تک

کھل جائے گراہ گر تو یہاں اور خطر ہے